Битарты Зоя галуанаен

Республикӕ Хуссар Ирыстоны Сывӕллӕтты сфӕлдыстады Галуаны коллектив!

65 азы, мыдыбындзытау, ӕрвылбон ӕвӕллайгӕкуысты стут ӕмӕ уын ацы стыр бӕрӕгбоны сӕраппонд арфӕ кӕнын. 

    Дугтӕ ивтой дугты, фӕлӕ нӕ адӕмы иууыл хъизӕмайрагдӕр рӕстӕджы иууылдӕр уыдыстут уӕ кысты уӕлхъус.

Уыцы зын, ӕвадат уавӕрты уӕ архайдӕй уӕхимӕ ӕлвастат фӕсивӕды, хъомыл сӕ кодтат гоймӕгтӕ, ӕмӕ уын

ӕнтысгӕ дӕр бакодта, кӕны уын абон дӕр.

   Зынаргъ  мын ӕстут уӕ аудгӕ ахастӕй, уӕ ӕвӕллайгӕ архайдӕй ӕппӕт дӕсныйӕдты бацамонынмӕ,

уӕлдайдӕр ирондзинадӕй.

    «Зонды къуыбар» ӕмӕ чысыл Академи саразынӕй Хуссар Иры дзыллӕйы райхъал кодтат сӕ тар фынӕйӕ,

сӕ национ хиӕмбарынад банкъарынмӕ. Тырнут, цӕмӕй сын сӕ мадӕлон ӕвзаг мыдау адджын уа ӕмӕ ирон дзырды

мидисӕй.

Ирон фарны хъуыдыйӕ не `взӕнгты, аланты фӕдонтӕй, бахъомыл кӕнат.

   Æнӕниздзинад ӕмӕ уын стыр сфӕлдыстадон ӕнтыстытӕ уӕнт ноджыдӕр уӕ ӕвӕллайгӕ ӕмӕ зын куысты.

Ацы стыр бӕрӕгбоны сӕраппонд уын хай кӕнын мӕ сӕрмагонд библиотекӕйы ирондзинадыл фыст литературӕ.

   Адӕмы фарнӕй, бӕстӕйы фарнӕй хайджын ут.

   Уе стыр ӕнтыстытӕ уынӕг, ӕнкъарӕг ӕмӕ сын егъау аргъгӕнӕг, уӕ зонадон консультант, уӕ хӕлар профессор Битарти Зойӕ.