Бахӕццӕ кӕронмӕ интеллектуалон хъазт «Зонды къуыбар»- ы 5 сезон
Бахӕццӕ кӕронмӕинтеллектуалон хъазт «Зонды къуыбар»- ы 5 сезон. Иннӕ ӕзтӕм абаргӕйӕ, ацы ахуыры аз хъазджытӕ равдыстой хуыздӕр зонындзинӕдтӕ, уыдысты тынг цӕттӕ. «Зонды къуыбар» ацыд уӕлдай цымыдисон ӕмӕ ирддӕрӕй. Хъазтмӕ хуынд ӕрцыдысты профессор Битарти З.А., Ахуырад ӕмӕ зонады министрады кусӕг Джиоты Э.Г., Зонад-иртасӕн институты кусӕг Тъехты А.Г., афтӕ ма нӕ респуликӕйы скъолаты ирон ӕвзаг ӕмӕ литературӕйы ахуыргӕнджытӕ.
Иумыйагӕй хъазты хайад райстой 123 ахуырдзауы. Уыдон афӕдзыдӕргъы сӕ тыхтӕ ӕвзӕрстой ирон ӕвзагзонынады, литературӕйы, истории ӕмӕ ирон ӕгъдӕутты. 123 ахуыргӕнинагӕй 2-аг туры хайад райстой 35 хъазӕджы.
2- туры хатдзӕгтӕм гӕсгӕ финалы ӕмӕ «Чысыл академи»- йы уӕнгтӕ систы 25-ӕй. 25 –ӕм апрелы финалон хъазты рабӕрӕг сты «Зонды къуыбӕрттӕ».
1.Номинации «Ирон ӕвзаг» - Цхуырбаты Димитр, 11-ӕм астӕуккаг скъолайы ахуыргӕнинаг.
2.Номинации «Ирон литературӕ» - Багаты Дауыт, Колыты Аксойы номыл ПАЛ-йы ахуыргӕнинаг.
3.Номинаци «Ирыстоны истории» - Тедеты Олеся, Колыты Аксойы номыл ПАЛ-йы ахуыргӕнинаг.
4.Номинации «Ирон ӕгъдӕуттӕ» - Хуыгаты Амандӕ, гимназии «Альбион»-ы ахуыргӕнинаг.
Зӕрдӕбын арфӕ уын кӕнӕм!