«ЗОНДЫ КЪУЫБАР» 4 класс
ЭКСПЕРИМЕНТАЛОН ИНТЕЛЛЕКТУАЛОН ХЪАЗТ «ЗОНДЫ КЪУЫБАР»
4 КЪЛАСЫ АХУЫРГӔНИНӔГТӔН
УАГӔВӔРД
Скачать:
Хъазты хӕс: Интеллектуалон хъазт у, ахуырадон хъомылады организацийы процессы нырыккон уавӕрты райрӕзты формӕтӕй иу. Хъазт «Зонды къуыбар» ӕппӕт бӕрцӕй ӕмбӕлон у ахуыргӕнинӕгты интеллекты райрӕзтӕн. Уый йӕ архайд иумӕйаг аразы скъолайы райрӕзты сӕйрагдӕр здӕхтытӕм гӕсгӕ.
1. Иумӕйаг уагӕвӕрдтӕ
1.1. Ацы уагӕвӕрд (дарддӕр-Уагӕвӕрд) бӕрӕг кӕны хъазт «Зонды къуыбар»-ы организаци ӕмӕ ауадзыны фӕтк РХИ иумӕйаг ахуырадон скъолатӕн 4-ӕм къласы ахуыргӕнинӕгтӕн.
1.2. Уагӕвӕрд ӕвдисы организацион ӕмӕ методикон хъазты ифтонгад, иумӕйаг ахуырадон уагдӕтты ахуыргӕнинӕгты архайды уаг.
1.3. Уагӕвӕрд бӕлвырд кӕны уӕлахиздзауты ӕмӕ призерты сбӕрӕг кӕныны фӕтк.
2. Хъазты сӕйраг нысан
2.1.Хъазты нысан - ахуыргӕнинӕгты 'хсӕн ахсджиаг мадзал цырын кӕнын, ахуырмӕ, архайдмӕ сӕ разӕнгард кӕнын.
2.2. Бӕлвырд системӕ курдиатджын ахуырдзауты сбӕрӕг кӕнын ӕмӕ равзӕрстӕн.
2.3.Ахуырдзауты бӕрзонд ахуырадон домӕнтӕ ирон ӕвзаджы, литературӕйы, культурӕйы, ирон ӕгъдӕутты ӕмӕ традициты сбӕрӕг кӕнын.
3. Мидис ӕмӕ архайды бындурон здӕхтытӕ
3.1. Ирон ӕвзаг.
3.2. Ирон литературӕ.
3.3. Ирон фольклор.
3.4. Ирон адӕмы культурӕ, ӕгъдӕуттӕ ӕмӕ традицитӕ.
3.5. Ӕмдзӕвгӕтӕ (аив кӕсын).
4. Интеллектуалон хъазт «Зонды къуыбар»-ы организатор
4.1. Хъазты организаци ӕмӕ къухдариуӕгад ӕххӕст кӕны ПАУа «Сывӕллӕтты сфӕлдыстады Галуан»
- фидар кӕны оргкомитет ӕмӕ жюрийы сконд;
- хъазты хатдзӕгтӕ иумӕйаг кӕны;
- кусы хъазт фӕткыл ауадзыныл;
- рӕстӕгыл хъусын кӕны ахуырадон уагдӕттӕн хъазты хатдзӕгты тыххӕй;
- аргъ кӕны алы хъазтӕн дӕр;
- хаттдзӕг саразы
5. Хъазты методикон-материалон-техникон ифтонгад.
5.1. Галуаны библиотекӕ ӕмӕ методикон кабинеты комлекткӕнынад ахуырадон-методикон, психолого-педагогикон литературӕйӕ хъазт «Зонды къуыбар»-ы фӕдыл.
5.2. Хъазты ифтонгад ӕнӕмӕнг хъӕуӕг техникон фӕрӕзтӕй.
5.3. Хъазт «Зонды къуыбар»-ы компьютеризаци, курдиатджын ахуырдзауты бӕрӕггӕнӕнтимӕ банк саразыны тыххӕй.
5.4. Спонсорон финансон системӕйӕн формӕ раттын, курдиатджын ахуырдзауты, ӕппӕты хуыздӕр фӕстиуджытимӕ хъазт «Зонды къуыбар»-ы, материалон ӕгъдауӕй разӕнгард кӕнынӕн.
6. Хъазты этаптӕ.
6.1. 1 туры архайынц с. Цхинвалы иумыйагахуырадон скъолаты 4-ӕм кълӕсты ахуыргæнинæгтӕй хъазын кæй фæнды, уыдон.
6.2. 2-аг турмӕ хизынц хайадисджытаей фылдӕр хуры тынтæ чи райса, уыдон. Ахӕм фӕткыл уагъд цӕуынц 2-аг ӕмӕ 3-аг туры хъӕзтытӕ.
6.3. 3-аг туры хаттдзӕгтӕм гӕсгӕ бӕрӕг кӕнынц 24 финалисты.
6.4. Финалы хаттдзӕгтӕм гӕсгӕ ӕвзӕрст цӕуы 4 уӕлахиздзауы, кӕцытӕн лӕвӕрд цӕуы титул «Зонды къуыбар».